Iurretako Kofradien Batzordeak taxi zerbitzua ipiniko du, doan, herriko San Migel jaietan auzoetatik herrigunera joateko eta herrigunetik auzoetara bueltatzeko.
Irailaren 28an, 14:00etatik 03:00etara eskainiko dute zerbitzua, Kofradien Batzordetik azaldu dutenez. Gogoratu dute udalak kudeatutako Taxi Auzunea egongo dela eguerdira bitartean. Irailaren 29an,10:30etik 22:00etara eskainiko da zerbitzua. Honako telefono zenbakira deitu daiteke: 626 225 726.