Iurretako Udalak eta JAED elkarteak lankidetza hitzarmena sinatu dute "herriko pertsona eta familia ahulenei arreta ematen laguntzeko". Hitzarmen horren bidez udalak 9.225 euroko bideratuko ditu herrian "premia larrian" dauden pertsonei arreta emateko. Ekitaldian izan dira Iñaki Totorikaguena alkatea, Zorione Fundazuri Herritartasun Batzordeko lehendakaria, Estibaliz Zurikarai JAED elkarteko lehendakaria eta Iñigo Murgoitio JAEDeko diruzaina.
JAEDek elikagaiak batzen ditu egoera ekonomiko eta sozial kritikoan dauden pertsona eta familieen artean banatzeko, eta Iurretako Juan Orobiogoitia institutuko DBHko 3. mailako ikasleekin proiektu komunitario bat abiatu dute urriaren 16an. Hartara, DBHko 3. mailako 15 ikasle inguruk JAEDeko instalazioak bisitatuko dituzte, eta hainbat jardueratan parte hartzeko aukera izango dute: boluntarioei laguntzen die jasotako elikagaiak banatzen eta paketeak prestatzen, adibidez.