Kanpandorreetako kanpai-hotsak bereiztea gatx egiten zaigu gaur egun. Jakintza hori galtzen ari den arren, adinekoek oraindik gogoan dute eskuz jotako kanpai-hots bakoitzak zeren berri ematen zuen.
Bada askotariko kanpai-dei horien esanahaia ezagutzeko jarduera berezia antolatu dute Iurretan, Ondarearen Europako Jardunaldien barruan. Gainera, Iurretako kanpai nagusiaren historia ezagutzeko aukera ere egongo da Antton Mari Aldekoa-Otalora eta Eñaut Aiartzaguena iurretarren eskutik. Aldekoa-Otalorak kanpaiak jo bitartean Aiartzaguenak horien esanahia azaldu du. Zapaturako jarri dute hitzordua, 17:00etan, Aita San Migel plazan. Ekitaldia tostadak janez amaituko dute.
Iurretako Udalak lagunduta Gerediaga elkarteak antolatutako ekitaldia doakoa da, baina, aurrez izena eman behar da lekua mugatua delako. Bizkaiko foru Aldundiak egokitutako webgunean eman daiteke izena: www.ondareabizkaia.eus