Iurretako Udalak sustatu du kanpaina, Dendak Bai Durangaldeko Merkataritza eta Ostalaritza elkartearen laguntzaga. 'Opariak Iurretan ere!' lelopean, iazko abenduaren 22tik joan zen urtarrilaren 15era bitartean egon da martxan, herriko merkataritzan eta ostalaritzan egiten diren erosketak indartzea helburu hartuta.
Kanpainan parte hartu duten herritarren artean termo botilak banatu dituzte. Halaber, Undarri Bike bizikleta dendak emandako bizikleta elektrikoaren zozketan parte hartu dute. Pilar Cifuentes Garciak irabazi zuen bizikleta urtarrilaren 19an egindako zozketan.