Langabeei laneratzeko laguntza emateko II. Plana ipini dute martxan

Inklusio soziolaboralerako laguntza plan honek, gutxienez, 25 iurretarren gizarteratzea eta laneratzea lortzea du helburu. Iaz egin zuten lehenengo plana eta 23 pertsonek parte hartu zuten aktiboki. Banakako 169 saio eta taldekako 10 egin ziren. Parte hartu zutenen erdiak kontratua lortu zuten. 

Udal arduradunek azaldu dutenez, pertsonetan oinarritutako inklusiorako laguntza-planak garatzen dituen plana da orain abiatu berri dutena, eta teknikarien tutoretzapean egiten da. Parte hartzaile bakoitzari atzemandako premien arabera egiten dute lan. Besteak beste, honako hauek dituzte kontutan: gaitasun pertsonal eta profesionalak, prestakuntza maila, inguruko baliabideen ezagutza, eta, parte hartze maila gizartean eta komunitatean. Lana bilatzeko teknikak, laguntza psikosoziala eta eskuragarri dauden baliabideei buruzko informazioa landuko dituzte. Curriculuma eta aurkezteko gutunak, eta elkarrizketetarako zein hautaketa-prozesuetarako prestakuntza ere landuko dira.

Interesa dutenek Herritarren Arretarako Zerbitzuan aurkeztu dezakete eskabidea.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.