2019an aurrekontu parte-hartzaileen foroa egin dute Iurretan. Horrez gain, herritarrek beste hiru egun izango dituzte, datorren urtarrilaren 25era arte, proposamen gehiago aurkezteko eta foroan parte-hartzaileek luzatutakoei gehitzeko.
Hiru egun hauetan HAZ-SAC-ean eta Ibarretxe Kultur Etxean bi ontzi egongo dira proposamenak jasotzeko. Proposamenak helarazteko bideak udaleko sare sozialak (udaleko twitter eta Facebook) eta web orria izango dira, galdera erraz batera eramaten duen linkaren bidez:
https://docs.google.com/forms/d/e/1FAIpQLScoEjxmX7HsyluXwmpsKKgdxscIQPqtLR4qgPXaxovYEvdSIg/viewform
Udal aurrekontuetan 50.000 € jaso dira herritarren proposamenak bideratzeko. Diru honekin, ze inbertsio proposatuko zenuke?. Horixe da lotura horretan agertzen den galdera.
Proposamen guztiak udal zerbitzu teknikoek aztertu eta baloratuko dituzte. Ondoren, otsailaren 26an egingo den bigarren foroan parte hartzen dutenen artean bozkatu egingo dira.