Egunkariaren aldeko jaian, zaborra batzen auzolanean

1990ean jaio zen Euskaldunon Egunkaria, eta hamarkada haren hasieran ekintza ugari egin ziren Euskal Herrian hedabide berriari bultzada emateko. 1993an, esaterako, jai erraldoi bat ospatu zuten Iurretan. Su Ta Gar, EH Sukarra eta sasoi hartan Durangaldean famatua izan zen Martxoak 31 taldearen kontzertuak jendetza batu zuen Maiztegi eskola ondoan, Txonpoloko landetan.

Orain 25 urteko jaialdi hartan, jende ugari ibili zen auzolanean. Kobratu bako lan isil horretan, adibidez, talde bat zaborra batzen ibili zen. Egunkariaren kamisetak eta mahoizko prakak jantzi, akuilu bereziak eskuan hartu, eta edalontziak eta bestelakoak batzen ibili ziren egun osoan zehar. Euren eta beste lagun askoren ekarpenik barik, ez litzateke posible izango egun hura.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.