Totorikaguenaren berbetan, "orain, agintaldi honetarako prestatu genituen proiektuak amaitu behar ditugu eta hiritargoak babesa ematen badigu, jarraitu egingo dugu Iurreta bizitoki bikain bihurtzen, egunez egun gure ongizatea eta bizitza kalitatea hobetzen". Legealdi honen hasieran egindako proiektuak gogoratu ditu. Bestak beste, liburutegiaren berriztatzea eta Askondo inguruko berrantolaketa aipatu ditu, eta agintaldia amaitzeko geratzen den denboran "Iurreta eguneratzen jarraitzeko planak" dituztela nabarmendu du. Horren haritik, N-634 errepidearen berrantolaketa aipatu du.