Iurretan trafikoari eragingo dioten bi obra aurreikusten dira. Batetik N-634 errepidea berrantolatuko du Bizkaiko Foru Aldundiak, Iurretatik igarotzen den zatian. Bestetik, Askondotik Maspe kalera bitartean egin gura dituzten lanak: rotonda kendu gura dute eta Bixente Kapanaga kalea noranzko bakarreko errepide bihurtu. Lanean jarraituko dutela eta herritarrak jakinaren gainean izango dituztela azaldu dute EHBilduko ordezkariek eta eskerrak eman dizkiete batzar irekira hurbildutako herritar guztiei.