45 umek parte hartuko dute udalekuetan

Anboto 2017ko uzt. 4a, 11:14

Iurretako Udalak antolatutako udalekuek uztailaren 28ra arte iraungo dute eta Maiztegi eskolako instalazioetan egingo dituzte, 09:30etik 14:30era. Bazkaldu ere bertan egingo dute parte hartuko duten 4 eta 12 urte bitarteko 45 neska-mutikoek. Adina kontuan hartuta talde bi osatu dituzte.

Komunikazioa eta gorputzaren adierazpena, autonomiaren garapena, sormena eta osasunerako heziketa landuko dituzte udalekuetan, antolatzaileek azaldu dutenez. Horrez gain, bi irteera aurreikusi dituzte. Jai tematikoak eta ekitaldi bereziak ere izango dira. Jarduera guztiak euskaraz eta ingelesez izango dira. Txikiekin heren bat egingo da ingelesez; nagusitxoagoekin erdia.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!