Hartara, "udalak modu aktiboan adieraziko du egitasmoaren aurka dagoela eta legezko esparruaren barruan beharrezkoak diren ekintza eta alegazio guztiak egingo ditu gure udalerriaren interesak defendatzen aldera", idatziak dioen moduan.
Era berean, inplikatutako gainerako erakundeei eskatu nahi die proiektu horren kontra agertzeko; "izan ere, ez dauka justifikazio nahikorik eta onartezinak dira eragingo lituzkeen kalteak, osasunaren, ingurumenaren, gizartearen, paisaiaren nahiz ekonomiaren ikuspuntutik". Gobernu Zentraeko Ingurumen Ministerioari, Eusko Legebiltzarrari, Eusko Jaurlaritzari eta Arabako, Bizkaiko eta Gipuzkoako Foru Aldundiei jakinaraziko die hartutako jarrera, azaldu dutenez.