Iurretako alkate Iñaki Totorikaguenak azaldu duenez, "premiazko obra zen aurreko zubia oso egoera txarrean zegoelako. Sarbideaz gain erreka ingurua ere atondu da, uberka hobetu". Zornotzako alkate Andoni Agirrebeitiak, berriz, udalerri bien arteko lankidetzaren "garrantzia" azpimarratu du. Bere berbetan, "bi herrien arteko komunikazioa hobetzeko ezinbestekoa da".
Zubia amaituta ikusteko bertora hurbildu dira Totorikaguena eta Agirrebeitia. Zazpi aste behar izan dituzte lanak bukatzeko eta 155.365 euroko inbertsioa egin da. Udal bakoitzak aurrekontuaren erdiari egin dio aurre. Bizkaiko Foru Aldundiaren laguntza ere izan dute.