Txakur baten bila ibili dira Iurretan, Arriandi auzoan, Ibaizabal errekan. Ertzaintzak azaldu duenez, 17:05 inguruan, txakur bat errekara erori da eta haren jabeak uretara salto egin du animalia erreskatatu guran. Ertzaintza, suhiltzaileak eta udaltzaingoa bertaratu dira gizona eta txakurra erreskatatzera. Gizona bere kabuz irten da, eta txakurra suhiltzaileek onik erreskatatu dute.