Aritza Moso abeslariaren emanaldia izango dute, bihar, 19:00etan. Bilbainadak, habanerak eta abesto herrikoiak eskainiko ditu berak. Abenduaren 1erako, berriz, Bingo berezia antolatu dute.
Karta txapelketa jokatuko dute, abenduaren 2an, 17:00etan. Mus, briska eta tute txapelketak izango dira, eta azaroaren 30a da izena emateko azken eguna.
Bazkide Eguna ospatuko dute abenduaren 3an. Aita San Migel elizan meza izango da 13:00ean. Bertan, bazkide nagusienei omenaldia egingo zaie. Ondoren, bazkaltzeko elkartuko dira, Iurreta Nagusien Etxean. Musika eta dantzaldia ere izango dira ondoren. Karta txapelketako sariak emateko ere aprobetxatuko dute.