Jostailuak, liburuak, bitxiak, dekorazio elementuak, musika CDak, filmak... batu gura dituzte abenduaren 2ra bitartean. Herritarren ekarpenak Ibarretxe kultur etxean batuko dituzte, aste barruan, 09:00etatik 13:00etara eta 16:00etatik 19:00etara.
Abenduaren 12tik 16ra egingo dute Azoka, Ibarretxe kultur etxean — 09:00etatik 12:30era eta 16:00etatik 19:00etara—, eta bost euroko erosketa bakoitzaren trukean otzara baten zozketan parte hartzeko aukera emango da. Abenduaren 24an egingo dute zozketa. Batutako dirua gobernuz kanpoko erakunde baten esku utziko dute.