Astelehena, Santixau Eguna dute egun handia Orozketan. Mezak hasiko du eguna, 12:00etan. Ondoren, Mikel Deuna dantza taldearen saioa ikusteko aukera egongo da. Paella txapelketarako hitzordua ere jarri dute astelehenerako. Aipatu behar da parte-hartzaile bakoitzak bere tresna eta osagaiak eraman beharko dituela. Antolatzaileek 14:30ean ipini dute paella aurkezteko ordua.
Arratsaldean ere izango da zer egin. Umeentzako jolasak hasiko dira 16:30ean, eta briska txapelketa 17:30ean. Trikitilariek alaituko dute giroa, jaiak agurtzeko txapligoak jaurti aurretik. Errifaren zozketa ere egingo dute.