Auto batek eta kamioi batek istripua izan dute

Anboto 2016ko mar. 7a, 11:22
Deskargatu Info Ahotsak :

Argazkia:Bizkaiako suhiltzaileak

Istripua izan dute auto eta kamioi batek N-634 errepidean, Pilastra parean. Ezbeharra 10:55ean gertatu da eta harrapatuta geratu dira bi pertsona. Bata autoan eta bestea kamioian. Oraintxe zabaldu dute erreil bat trafikoa bideratzeko, Ertzaintzak azaldu duenez. Orain arte itxia egon da errepidea.

Erdi-iraulita geratu da kamioia istripuaren eraginez eta suhiltzaileak bertaratu dira harrapatuta geratu diren bi pertsonak ateratzen laguntzeko, Ertzaintzak azaldu duenez.

Larrialdietako zerbitzuek erreskatatu dituzten bi pertsona horietako bat Galdakaoko ospitalera eraman dute.

Herririk herri Iurreta
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!