Dagoeneko martxan dago erakusketa bat, martxoaren 10era arte bisitatu ahalko dena. Emakumeen lege iraultzailea izenekoa da, eta Ibarretxe kultur etxean dago ikusgai. Gaur, Emakumeen Literatur Tailerra burutuko dute, 18:15ean. Skolastika elkarteko Ainhoa Aldazabalek gidatuko du, eta idazle afrikarrak izango dira ardatz.
Literaturak eguaztenean jarraituko du, hilaren 9an. 10:15ean, irakurketa errazeko tailerra egingo dute, nagusiei bideratuta. Arratsaldean, 18:30ean, Josune Muñozek berbaldia emango du, gaztelaniaz idazten duten euskal idazleen ingurukoa.
12an, afaria
Bestalde, eta azken urteetako ohiturari jarraituta, martxoaren 12an afaria egingo dute, Goiuriko Ikuspegi jatetxean. 21:30ean hasiko da, eta 20:45ean autobusez irtengo dute herrigunetik. Inskripzioa hilaren 9an amaituko da.
Horretaz aparte, martxoan zehar berdintasunagaz lotutako selfien (argazki pertsonalak) lehiaketa egongo da, eta hilaren 8an, pastel lehiaketa ere bai.