Izena emateko aukera bi daude. Internet bidez, batetik: Kimuak elkarteak atal berezi bat prestatuko du webgunean, propio horretarako. Martxoaren 7ko 12:00etatik martxoaren 18ko 20:00ak arte eman ahalko da izena. Bestetik, Goiuria kulturgunera joanda ere egin daiteke, martxoaren 10etik 17ra, 17:00etatik 19:00etara.
Zozketa, apirilaren 5ean
Aurten, bestalde, zerrenda osatuko da, eta udalekuren batean eskaintzen den leku kopurua baino eskari gehiago baldin badaude, zozketa egingo da: apirilaren 5ean izango da, Ibarretxe kultur etxean, 18:00etan. www.kimuak-elkartea.eus webgunean dago informazio gehiago.