Gastu arruntak, eta Kultura eta Gizarte Ongizate arloko diru-laguntzek izandako igoerak eragin dute aurrekontuaren igoera, inbertsio atalagaz batera.
Hainbat zalantza
Aurrekontua urtarrilean onartzeagatik zoriondu ostean, bai bibliotekarako bai Askondorako egitasmoekiko zalantzak agertu ditu EH Bilduk: “Dugun inbertsio gaitasunaz jabetzen gara; ez dugu marjina askorik. Bibliotekan zerbait egin behar dela argi dugu, baina, baditugu beste lokal batzuk ere egokitu daitezkeenak biblioteka lasaitzeko”. Askondorako inbertsio “potoloak” ere “dudak sortu” dizkie, “askotariko iritziak” jaso dituzte-eta. Herritarrei gordetako diru-atal baten falta ere aipatu dute, “parte hartzea bideratuz”.
PSE-EEk udaleko lanpostuen zerrenda osatzeko egin den lana azpimarratu du, aurrekontuan islatzeak duen “garrantzia” aipatuz. Bibliotekak inbertsio baten beharra duela ere esan du.
Biblioteka “modernoagoa”
Bibliotekan “hormak bota eta espazioa zabalduko” dute. Totorikaguena alkateak azaldu duenez,“asko erabiltzen dira kultur etxea eta liburutegia; hori oso positiboa da. Horregatik modernizatu gura dugu”. Lanak udan hasi gura dituzte, biblioteka ixtea eskatuko lukete-eta. Askondon “herritarrentzat espazio bat errekuperatu” gura dutela nabarmendu du alkateak.