Arrautza eta okelaz osaturiko dieta bat ziurtatzea da helburua, funtsezko elikagai bat eskainiz emakume indigenei. Janari soberakinak saltzeko aukera ere izango dute bertan, horrela ekonomia ere indartuz.
Proiektu osoaren kostu osoa 13.517,06 eurokoa izango da; tokiko elkarte den CREPD-k ( Tokiko Kooperaziorako Elkartea eta Garapen Proiektuak) 8.310,75 euroko ekarpena egingo du, Iurretako Udalari 5.000 euroko kantitatea egokitu zaio eta azkenik Bakerako Lankidetza Batzarrak 206,30 jarriko ditu. Udaletxetik funtsezkoa ikusten dute egitasmo honen onarpena: “Konpromiso bat daukagu eta ezin dugu alde batera utzi herrialde behartsuenen garapenarekin kooperatu beharra”.