Gaur arratsaldean gertatutako istripu baten eraginez auto ilara luzeak sortu dira A8an, Iurretako ordainlekura orduko. Ertzaintzak azaldu duenez, bi ibilgailuk istripua izan dute, baina ez da zauriturik izan. Ibilgailuetako batek behi bi zeramatzan erremolkean eta istripuaren ondorioz animalietako bat irten egin da. Ertzaintzak bidea moztu behar izan du animaliak zegokien lekura eramateko. Oraindik ere errei bakarra dago zabalik.