Zaborren zerbitzua eta estolderia tasan %50 edo %75eko hobaria dago aurreikusita ordenantzat fiskaletan. Errenta aitorpenaren araberako hobaria da. 2016ari begira bestelako tasa eta zerga batzuetara zabalduko dituzte hobari horiek.
Hartara, errenta aitorpenaren eta familia kide kopuruaren arabera, %50 edo %75eko hobaria egongo da hileta-zerbitzuetan eta TAOren egoiliar txartelean ere bai. Baita Familia ugariek ondasun higiezinen zergan ere; orain arte, %30eko hobaria izan dute familia ugariek. Bestalde, estolderia tasa ordaintzera salbuetsita egongo dira zerbitzua hartzen ez dutenek edo putzu septikoa dutenek.
Goiuria kulturgunea
Bestalde, behin betiko onartu dute Goiuria kultur gunea dagoen lursailaren desafekzio partziala. Goiuria kultur gunean, eskaileren azpian dagoen 3,75 metro koadro (komun bat dago hor kokatuta) ondasun ondare gisa jasoko da eta Zubiaurre 8ko bizilagunei utziko zaie igogailua jar dezaten. Aho batez onartu dute hori ere bai.