Martitzenean izan zen lapurreta eta egun berean atxilotu zituzten susmagarriak. Enpresako arduradunek lapurrak Chrysler Voyager batean alde egiten ikusi zituzten eta Ertzaintzari abisua eman zioten. Ertzainek furgoneta hori A-8 autopistara sartzen ikusi zuten. Elgoibarren itxaron zioten eta atzetik jazartzen hasi ziren. Iurretako bidesarira heldu aurretxoan geldiarazi zuten furgoneta eta barruan zihoazen bost lagunak identifikatu zituzten. 21 eta 46 urte artean zituzten. Furgoneta arakatu eta kableak eta xafla metalikoak aurkitu zituzten, ustez Zumaiako enpresatik ostutakoak. Horrela, bost lagunak atxilotu egin zituzten eta indarrez egindako lapurreta egozten diete.