Horrez gain, bizikleta festa, herri bazkaria eta erromeria antolatu dituzte. Baita bertso saioa ere: Sustrai Colina, Unai Iturriaga, Amets Arzallus, Maialen Lujanbio, Jon Maia eta Igor Elortza arituko dira.
Domekan, berriz, XVII. Nekazaritza eta Artisautza Azoka egingo dute, Andaparapen. Dantzariek, bakailao txapelketak eta herri afariak osatuko dute eguna.
Gorporazioa dantzara
Montoiko zubitik botatako txapligoekin jai-giroan murgildu ziren iurretarrak, San Migel bezperan. Donien Atxa jartzeko arratsaldeko hitzorduak, berriz, behin betiko hasiera eman zien sanmigelei, aurreko asteburuak ere hainbat ekitaldi batu zituen arren. San Migel egunak ere ekarri zuen nobedaderik: neska eta mutil, batera irten ziren plazara, eguerdiko saioan; baita lehenengoz ere, gorporazioa atera zuten dantzara.
