Frontoian berrizte lanak
Bestalde, Olaburu frontoiko berrizte lanak ere amaitzear daude. Aldagelak berriztu gura izan dituzte, eta irisgarritasuna eta eraginkortasun energetikoa lortu. Uztailean hasitako lanotarako, 48.786 euroko aurrekontua izan dute. Barruko tabikeak bota dituzte aldagelak handitzeko, eta, dutxak eta komunak bereizteko, panel fenolikoak jarriko dituzte.
Aluminiozko egitura duten altzariak jarri dituzte, eta panel fenolikoak ipiniko dituzte, jarleku moduan. Aireztatze sistema berriztu, eta termoelektrikoaren edukiera handitu dute. Ur zikinen ebakuazioa eta lokalaren isolamendua ere hobetu dituzte.