SVP hargailu-transmisoreen bidez bideo irudiak trnasmititu daitezke kablerik gabe helikoptero eta hegazkinetatik. Horrela, kalean egiten diren programa zein kirol emanaldiak zuzenean emititu daitezke. Esan bezala, atzerriko enpresetan lortzen du fakturazioaren %95a (Kanada, Suiza, Frantzia edo Koreako telebistetan, besteak beste).
Lehenengo ikasturtea amaituta Euskal Telebistan (ETB) lan egiteko deitu zion Jose Antonio Lopezek (ikastetxeko irakasleak). Urte biko kontratua egin zioten eta ETBko bere nagusi Josè Bovedak animatu zuen mikrouhin-loturak fabrikatu eta enpresa propioa sortzera, ekitaldian gogoratu duten moduan. 1989an Friedrichshafen-go (Alemania) irrati eta elektronika azokan parte hartu zuen, "alemaniarren pentsakera ekintzaileaz eta bertoko mikroenpresez kuxatuz". SVP Broadcast Microwave enpresak sortutako ekipoekin erretrasmititu daitekez ikuskizun horiek.
1992an sortu zuen SVP Broadcast Microwave enpresa Iurretan. Radio Ibaizabal irratirako unitate mugikorra sortzea izan zen bere lehenengo lana. Durango Irratia izan zuen bere bigarren bezeroa.
Iurretako Lanbide Heziketako ikasle izateaz harro sentitzen da Burgos, eta izandako formazio bakarra Iurretan jasotakoa izan dela dio; "gainerakoa motibazioz edo jakinminez berak ikasitakoaren emaitza izan da". Iurreta Institutuak Burgosen izaera ekintzailea eta bere ibilbide profesionala aitortu gura izan du sariarekin. Gaineratu dute, "bere lanak Iurretako Institutua lanbide heziketarako erreferentzi moduan" jarri duela.