Edonor sartu daiteke kultur etxean egokitutako ludotekan eta kanpoko terrazan. Egunero, 10:00etatik 13:00era jokoak –monopolia eta puzzleak, adibidez– eta irakuketa materiala –egunkariak, liburuak eta aldizkariak, esaterako– jarriko dituzte eskura. Txikienentzat ere egokituko dute gunea, eta nagusi batek lagunduta egongo dira.
Elkarteekin batera
Euskararen erabilera, birziklapena eta inguruarekiko errespetua sustatu gura dituzte aisialdian. Anderebide, Gertasport, Kimuak, L’atelier eta Ortzadar taldeen laguntza izan dute kultur etxea artearen, sukaldaritzaren eta kirolaren erakustoki bihurtzeko. Eguraldiak lagunduz gero, terraza eta jokoen mailegua uztailean ere mantenduko dute.