Montoi, iraganerako zubia deitzen da erakusketa. Zubiaren alde bietan, tamaina handian inprimatutako 50 bat argazki eskegi dituzte. Iurretako kale, taberna eta baserri zaharrak ikusi daitezke bertan, baita herritarrak ere. Erakusketak zubitik zihoazen oinezkoen interesa bereganatu du, eta hainbat dira argazkiei begira geratzen direnak.
German Zorraquin, Ricardo Doliwa, Gerediagako fondoa, FotoSol, Pablo Garitaonandia, Miguel Angel Astiz, Jose Areitio edota Joseba Agirre dira argazkien egile edo jabeetako batzuk.