Albaitariaren berbetan, hasieran bikiak izan behar zituen behiak, baina ernaldian bakarra garatu zen.
Txahala argia dela kontatu du Lizarazuk: "Batzutan malformazioekin jaiotzen diren animaliak ez dira argiak izaten eta egun gutxiko bizia izaten dute". Txahal txikia asko mugitzen da, eta esnea ere ondo edaten duela kontatu du Gaztañatzako baserritarrak. Bosgarren hankarekin ondo moldatzen dela, eta Lizarazuk ez du ebakuntzarik egitea pentsatu.
Horrelako gertakizunak gutxi izaten direla nabarmendu du Jesus Lizarazuk: "80 urteko baserritarrei galdetu, eta halakorik egundo ere ez dute ikusi". Hanka txikiak agian bai, baina oso-osorik dauden hankak izatea arraroagoa dela azaldu du iurretarrak.