Hamabost egunen buruan lanak amaituta egongo direla aurreikusi dute udal arduradunek. Hainbat konponketa egingo dituzte: Euri-urak biltzeko saretadun kutxatilen ordez, isurbideak ipiniko dituzte, eta hodi berriak ipiniko dituzte ura garraiatzeko. Gainera, espaloiaren eremuan hormigoizko ertz-erretena egingo dute, ura batu eta isurbideetara bidaltzeko.
Bide batez, galtzada konpontzeko lanak ere egingo dituzte. Dauden bigungune eta zuloak hormigoizko zoladuraren bidez konponduko dituzte.