Odol-emaile bikainak
Emoixuk 25 urte beteko ditu aurten. Urteotako lanari esker, Iurretan bada odola ehun aldiz baino gehiago eman duenik ere. Beteranoen ahalegina saritzeko, atzo, Bizkaiko odol-emaileen elkarteak Odol-emaile bikainak omendu zituen. 2006tik gaur arte, odola 60 aldiz baino gehiagotan eman duten andreak eta 75 aldiz baino gehiagotan eman duten gizonak omendu zituzten; tartean hamaika iurretar.
Martxoaren 18tik aurrera, Iurretako anbulatorioa utzi, eta Askondon, oinezkoentzat egokitutako lekuan, emango dute odola. Emoixu odol-emaileen elkarteko Iñaki Etxebarriak azaldu duenez, “leku ikusgarriagoa” denez, jende gehiago hurreratzea espero dute. Orain arte bezala, hileko hirugarren eguaztenetan eman ahalko da odola, eta Txonpolo elkarteak emaileentzako otordua prestatzen jarraituko du. Iñaki Etxebarriak gazteen partaidetza eta donazioen konstantzia behar direla nabarmendu du.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!