Azaldu dutenez, aldaketagaz kalitatean eta kantitatean hobetuko da ur hornidura. Orain arte Orozketan ur edangarria izan badute ere, iturburuko urak mineral asko ditu, eta galdarei kalte egiten die. Horretaz gainera, udan, batzuetan, ur gutxiago eta presio gutxigaz eduki izan dute, eta arazo hori konponduko dute: “Ez dakigu bihar-etzi ur falta benetako arazoa izan daitekeen”. Gibelako ur depositu berriak 60 metro kubiko ditu, zaharrak baino hiru bider gehiago.
Ura Garaizarretik hartu, eta ponpaketa bidez igotzen da Gibelara. Guztira, 600.000 euroko kostua izan dute lanek, eta bide batez errepide zatiak konpondu dituzte.
Prentsari gaur goizean eman dzizkiote obraren inguruko azalpenak udal ordezkariek, eta obran parte hartu duten Ur Patzuergoko, Ingeplan aholkularitzako eta Provisa enpresako kideek.