Jose Luis Mazorriaga auzokidea bere estankoan hasi da informazioa zabaltzen: “Kale ondoan Paduretako aparkaleku erraldoia dute, beraz, utzi dezatela Maspe iurretarrentzat”. Maspe Iurretako “kale ahaztua” dela uste du Mazorriagak: “Trafiko gehien duen kalea izango da ziurrenik, eta udaltzainak ez dira ia bertatik pasatzen”.
Iñaki Totorikaguena alkateak prozesua zabalik dagoela nabarmendu du, eta ez du baztertu aurreraxeago aldaketak egongo direnik: “Martxan ipini ondoren ziurrenik aldaketak egin beharko dira; balorazioak egin beharko ditugu zer beharrizan sortzen diren ikusteko”.
Aparkalekuei buruzko ordenantza osoko bilkuran onartu zuten, EAJ, PSE-EE eta PPren botoekin. Bilduk kontra bozkatu zuen. Koalizioaren ustez, “herritarren foroetan batutako ideiak ez dira behar besteko seriotasunez hartu”.