Arrisku iturri izan daitezkeen instalazio elektrikoak, berogailuak eta tximiniak aztertuko dute bisitetan. Gainera, segurtasunerako jakin beharreko ideia batzuk azalduko dizkiete Iurretako nagusiei, eta, sua piztuko balitz, zer egin jakiteko liburuxka bat utziko dute etxeetan. Ke-detektagailu bat ere jarriko dute, “larrialdia gauez gertatzen bada, ohean daudenak altxatzeko”. Horretarako obrarik ez dela egin beharko azaldu dute. Ebakuazioak errazteko krokisak ere egingo dituzte bisitetan.
Azaroaren amaiera baino lehenago egingo dituzte bisitak, eta aurretik gutuna bidaliko dute etxeetara.