Iñaki Totorikaguena Iurretako alkateak azaldu duenez, monolitoa lekuz aldatzeko asmoa aspalditik izan du udalak, errepide nagusitik gertuegi egon delako. Orain, Gaursa-Renault egiten dabilen urbanizazio lanak direla eta, obrak aprobetxatuta egin dute leku aldatzea.
Zapatu goizean aldatu dute lekuz. Auto enpresal, urbanizazio lanak egiterakoan, ingurunea txukuntzeko betebeharra dauka. Arriandiko bide-gurutzetik Amezketako biribilgunera espaloia ipintzen dabiltza, eta Arriandiko bidegurutzean bertan berdegune bat atondu behar dute; bertara mugitu dute Arriandiko monolitoa, bidegurutzean, bidearen beste aldean.
Alkateak nabarmendu du leku berria egokia dela: "Gure herriarentzat garrantzia historiko eta kulturala daukan monumentua babesteaz gainera, bere zentzua mantentzen dugu, lehengo lekutik gertu, norabideak seinalatzeko bere zentzua galdu barik".