Hamar mezu desberdin dauzkate azukre zorro bereziek. "Elkarteak egiten duen lana herritarrengana gerturatzeko bide bat" dela nabarmendu du Iñaki Irusta euskal Gurutze Gorriko presidenteak: "Ilusionagarria da gure berri ematea Baqué bezalako betiko famili enpresa baten bidez".
"Krisia jasaten duten pertsonei erantzunak emanez", "Itsasoan bizitza babesteko lanean diharduz Itsas Salbamenduaren Programaren bitartez". Horiek mezuetako bi dira. Irustak nabarmendu duenez, errepidetako lanaz gainera, Gurutze Gorriak alor askotan egiten du lan, eta behar hori komunikatzeko balioko dute azukre zorroetako mezuek. "Gizarteak eskatzen duenari erantzun guran" dabil Gurutze Gorria, Irustaren berbetan. Boluntarioek, esaterako, pertsona nagusiei medikuarenera laguntzen eta telefonoz deituta botiken jarraipena egiten ere egiten dute lan. Bizkaian 2.800 boluntario dauzka Gurutze Gorriak.
Laura Liañok, Cafés Baquéren izenean, azaldu du "zuzeneko inpaktua" duen bidea dela azukre zorroen: "Jendeak ikusi egiten du, eta beti geratzen da mezuagaz". Kafe enpresak horrelako ekimenekin "pertsonetatik gertuago" egoteko gogoa ere erakusten duela esan du Liañok. Baquéren gizarte ardura korporatiboaren baitan dagoela ekimena.