2013ko jardueran ohiz kanpoko zerbitzuak betetzeagatik 1.010 euro ordainduko zaizkio udaltzainetariko bateri; besteari 632 euro. EAJk eta PSE-EEk ordainketa hori egitearen aldeko botoa eman zuten azken udalbatzarrean. Bilduk, berriz, kontra bozkatu zuen.
Bilduko ordezkari Zorion Agirrezabalen berbetan, "badago lan poltsa bat, hala ere, hori ez erabiltzea eta ohiko kanpoko orduetan aritzea erabaki zen. Aparteko orduak betetzearen kontrakoak gara; gainera, horretarako sortu zen lan-poltsa". Lan-poltsa hori ez erabiltzeak udalari kostu bat ekarriko diola gaineratu zuen: "Aholkularitza kontratatu behar izan dugu eta egindako txosten baten arabera betetako aparteko ordu bakoitzeko ordu t'erdi ordaindu beharko ditugu".
Ildo horretan, Bilduk azaldu du aparteko jarduera egun libreak emanez konpentsatzeko aukera ere badagoela, eta horiek betetzeko lan poltsara jotzea. "Baina, aukera hori be ez da kontutan hartu".
Elkarkidetza
Bestalde, Elkarkidetzari dagokion ekarpen ekonomikoa berriro be ordaintzea onartu zuen udalbatzarrak ahobatez. 2012ko apirilean Elkarkidetzari egindako ekarpena ekonomikoa "zuhurtziaz indargabe uztea" erabaki zuen udalbatzak. Orain, ordezkari sindikalek 2014ko urtarrilaren 1eko eraginekin Elkarkidetzari erakundearen aldeko zatia ordaintzea eskatu dute eta onartu egin dute,.