Pertsona Nagusien XXII. Kultur Astea hasiko dute, gaur, \'La evolución de la familia\' izenburupean Suspergintza elkartekoek emango dute hitzaldiagaz. Horretarako hitzordua 18:00etan jarri dute Jubilatuen Etxean.
Abenduaren 14ra bitartean luzatuko da XXII. Kultur Astea. Bihar, abenduak 11n, parrokiako koruak eskainiko du kontzertua, 18:00etan, eta, abenduaren 12rako bingo berezia ere antolatu dute. Txokolate-jana izango dute hilaren 13an, eta, 14an, berriz, Bazkide Eguna ospatuko dute. San Migel parrokian izango da meza, zapatuan, 13:00ean. Bazkide nagusienak omenduko dituzte bertan.
Jubilatuen etxean jarraituko dute Bazkide Egunagaz. Anai arteko bazkaria izango dute 14:00etan eta, ondoren, musika eta dantzaldia izango dituzte. Karta jokuen txapelketetako sariak emateko be aprobetxatuko dute.