Ohitura den legez, donien-atxa igoaz hasiko dituzte jaiak, bihar, Amatzan. Horretarako hitzordua 19:00etan jarri dute. Auzoko dantzarien azken entsegua, berriz, 19:30ean hasiko dute. Domekan eskainiko dute auzoko dantzariek euren saioa, 12:00etan; gero, luntxa egongo da.
Tortilla txapelketa ere antolatu du Jai Batzordeak biharko. Parte-hartzaileek mozorrotuta aurkeztu beharko dute tortilla 20:30erako, eta, gero afaltzeko aprobetxatuko dute.
Bertsolariek eta erromeriak alaituko dute afalostea. Domekan, trikitilarien kalejiragaz hasiko da eguna, 11:00etan Meza ere egongo da. Herri bazkaria, karta lehiaketa eta umeentzako jolasak ere eratu dituzte.