Herri bibliotekak eskainitako zerbitzua eta eskaintza erakutsi asmoz kalera aterako dute, eguenean, uztailaren 4an, Herri Biblioteka. Hamabostera antolatzen duten kale azokan egongo da biblioteka.
Irakurketa gune bat prestatuko da bertan, eta bibliotekako fondoaren hatatutako zati bat aterako da kalera: liburuak, aldizkariak, pelikulak, musika, e-reader-ak, tablet-ak... egongo dira hurreratuko denaren eskura. Uztailaren 4an, 09:00etatik 13:00era, bertara hurbiltzeko gonbita egin du herri bibliotekak. Gaineratu dutenez, bertaratzen denak kafea dastatzeko aukera ere izango du.