Anderebide emakume elkarteak eratuta, zoru pelbikoa idartzeko eta bio-dantza ikastaroak hasiko dira azaroaren 5ean eta 9an, hu-rrenez hurren. Goiuria kultur gunean izango dira biak eta urriaren 31ra artea dago izena emateko aukera.
Biak ala biak hirugarrenez antolatu dituzte. “Ikasitakoa praktikatzen jarraitzea da garrantzitsuena eta interesgarriena”, diote antolatzaileek. Dagoeneko zortzi lagunek eman dute izena.
“Zoru pelbikoa idartzeko ikastaroan hamabi lagun batu ginen iaz, eta, udaberri honetan beste hamasei”. Amatza Abasolo fisioterapeutak zuzenduko du: astelehenetan, hamabostean behin, 18:30etik 19:30era. Bio-dantzak ere harrera ona du: “Iaz proba lez hasi ginen eta kostatu arren, taldea osatu genuen”. Ana Jodarrek gidatuko du.