Urteko kontuak egin eta herri ![\"\"](\"/fc_imagenes/laixiarrrrrrrrrrr.jpg\")
basoen (200 hektarea) egoeraz jarduteko hitzordua dute, domekan, herriko sei kofradiek: San Marko, Fauste, Goiuri, Santa Maña, Orozketa eta Iurreta.
XXXVIII. Laixiar Eguna izango duten honetan, bereziki, abuztuan hildako Doroteo Biritxinaga eta Jabier Gerediaga batzordeko kideak gogoratuko dituzte. Administrazioan 25 urte bete dituztenak ere omenduko dituzte.
Kofradietako hildakoak gogoratuz egiten den mezagaz hasiko da eguna, 12:00etan. Gero, Batzar Nagusia hasiko da eta bertsolari eta dantzariak arituko dira. Belartzan jarritako mahaietan bazkalduko dute; salda, kafea eta edana kofradiek eskainiko dute. Musika eta umeentzako jolasak antolatu dituzte arratsalderako.