Hamar urtera luzatu daitekeen kontratua lotu gura dute, 1,5 milioi euroko inbertsioagaz.
Mallabiena eta Arriandiko industria poligono berriak, Beresi aisialdi-gunea eta Aita San Migel plaza inguruko aldaketak dira herrian azken urteotan egindako aldaketen adibide. Premia berriei aurre egiteko, hiri-garbiketa zerbitzua martxan ipiniko du udalak, eta aparteko administrtazio kontratuaren baldintza teknikoen eta klausula administratiboaren pleguak onartu dituzte: zortzi urteko kontratua –urte bira luzagarria– esleitzeko prozesua hasi du, 1,5 milioi euroko inbertsioagaz; urtean 20.000 euro handituko dute aurrekontua.
2012ko urtarrilaren 1ean eduki gura dute martxan. Lanaldi oso bi eta erdi bat batzen dute pleguek; baita garbitzaile mekanikoa, kamioi txiki bat eta Durangaldean lokal bat izatea ere.