Datorren zapaturako, ekainaren 18rako, azaleko minbiziari buruzko prebentzio kanpaina antolatu du Iurretako Udalak, minbiziaren aurkako AECC elkarteagaz batera.
Askondo kalean furgoneta informatiboa jarriko dute goizeko 10:00ak eta 14:00ak bitartean. Besteak beste, eguzki egonaldi egokiak egiteko aholkuak eskainiko dituzte; egonaldi desegokiak egiteak eragin ditzakeen ondorioen arriskuei buruzko informazioa ere banatuko da. Ume eta gazteei zuzenduriko materiala banatuko dute, gainera: Babes zaitez eguzkitik, dibertigarria da! izeneko liburuxkak banatuko dituzte. Horrez gainera, bertaratzen diren guztiei azaleko azterketak egiteko aukera eskainiko zaie. 2011: Eguzki babesaren eta azaleko minbiziaren kanpainaren baitan dago antolaturik ekimena.