0-16 urte bitarteko neska-mutil bakoitzeko 75 euro arteko diru-laguntzak emango dituzte
0-16 urte bitarteko neska-mutil bakoitzeko 75 euro arteko diru-laguntzak emango dituzte.
Udalak 15.000 euro gorde ditu herriko 0-16 urte bitarteko neska-mutilen eskolatzetik familiei eratorritako gastuei aurre egiteko. Haurreskolatik Derrigorrezko Bigarren Hezkuntzara bitartean, gehienez, 75 euroko laguntza jasoko dute familiek umeko; gutxienez, berriz, 20 euro, Iñaki Totorikaguena alkateak azaldu duenez.
Baldintza bi bete behar dira: 2010-2011 urte tartean Iurretan erroldatuta egotea, batetik, eta, bestetik, eskolatzea mantentzea urte osoan zehar; Iurretan zein beste herri baten. Argitu duenez, aurreikusi baino eskari gehiago egonez gero, diru-laguntzen banaketa berraztertuko dute.
Laugarren urtez
Laugarren urtez banatuko dituzte laguntzok. Iaz 300 neska-mutilek jaso zuten eta aurten 0-16 urte arteko 500ek dute aukera. Eskariak egiteko epea maiatzaren16an hasi eta hilaren 27an amaituko da. Azken urteetan 15.000 euroko atal hori mantendu du udalak.