Semaforoak kendu dituzte N-634 errepide nagusiko biribilgunean, trafikoa arinduz
Semaforoak kendu dituzte N-634 errepide nagusiko biribilgunean, trafikoa arinduz.
Semaforoak kendu egin dituzte, eta dagoeneko biribilguneak bideratzen du N-634 errepide nagusiko trafikoa, Iurretatik igarotzen den zatian. Goiuriara edo herrigunera sartzeko errepide nagusian zegoen semaforodun bidegurutzeak eragindako auto ilarak arindu ditu errotonda berri horrek. Foru Aldundiaren ardura diren herri-lanok 1,16 milioi euro inguruko aurrekontua izan dute.
Auto pilaketak saihesteko
Semaforoek lagundutako biribilgune zatituaren ordez ohiko errotonda egin dute N-634an. Horretara, Abadiñotik datozenek ez dute biribilgunean sartu beharko Iurretako herrigunera sartzeko. Biribilgune berriak N-634 errepidean sortutako auto pilaketak saihestea du helburu. Beharrak joan zen azaroan hasi zituen Bizkaiko Foru Aldundiak.