Atzo eguerdian ezustekoa izan zuten A8 autobidearen Iurretako ordainlekuan. Kamioi bat bertatik pasatzen ari zela, pertsona baten oihuak entzun zituzten han zeudenek. Denen harridurarako, pertsona bat zekarren kamioiak azpian. Etorkina hotzak jota topatu zuten.
Eguerdian izan zen gertaera bitxia. Kamioia ordainlekuan zegoen, A8 autobidean zehar. Halako batean, pertsona baten oihuak entzutea iruditu zitzaien bertakoei, eta ondo asmatu ere. Izan ere, kamioiaren azpialdean pertsona bat zegoen, hotzez dardaraka.
Magrebtarra zen mutila, eta ez zekiten nondik zetorren ez eta nora zihoan. Hoztuta eta bustita, anbulantzian eraman zuten gaztea.