Gaurtik domekara bitarte, Iurretako Gaztetxeak zazpigarren urteurrena ospatuko du. Musika eta bertso saio interesgarriez gainera, lehenengoz bulder txapelketa antolatu dute gaztetxeko rokodromoan.
Gaur, 19:00etan, AHTren aurkako kalejira egingo dute, Durangoko Sapuetxe gaztetxeko batukadarekin. Ondoren, 23:00etan, musika kontzertuak eskainiko dituzte Tuesday Evenings (Durango), Izeba Pilarren ilobak (Anoeta) eta Skamatxime (Amezketa) taldeek. Kontzertuen ondoren, Show txapelketa izango da.
Bihar, 14:00etan, bertso bazkaria egingo dute Abarkas, Peio eta Katxo bertsolariekin, eta Gure Barik bertso eskolako kideekin. Arratsaldean, I. Bulder Txapelketa antolatu dute, 19:00etan. Gauean, Disorders (Zaldibar), The Shellsuckers (Izurtza) eta Electric souls (Abadiño) taldeek joko dute.
Etzi, 17:00etan, igel txapelketa izango da. Ondoren, bulder txapelketaren finala jokatu eta sariak banatuko dituzte.