Z generazioari sare sozialekin abilak izatea egotzi digute. Hala izango da, agian. Burokraziari dagokionean, baina, belaunaldion arteko adostasun osoa lortuko genukeela esatera ausartuko naiz: guztiok gorroto dugu. Burokraziak batzen gaitu. Kanpaina bateko eslogana izan daiteke. Alferkeria izango da, ezjakintasuna, interes falta, ez ulertzeko beldurra... Dena delakoa. Gainera, aipatutako zerrendari halako gestioak egiteko hezkuntza gabezia gehitu behar zaio. Eskola curriculumean sar dezakegu: inork egin nahi ez dituen baina helduaroan beharrezkoak diren izapideak. Zenbaiti bizitza erraztuko liguke.
BakQ
Gutxienez 12 karaktere. Horietatik bat, bederen, letra larria izan behar da. Ikur bat sartu behar da derrigorrean, eta baita minuskula bat ere. Egin zure konbinazioa. Izan originala. Ez dadila konplikatuegia izan, bestela ez duzu gogoratuko eta. Ez dadila sinpleegia izan, badaezpada. 19 urterekin egingo duzu, Osakidetzako osasun-karpetan sartzeko, oso ondo zer den jakin gabe. Geroago, oposizioko izen-ematerako beharko duzu, errenta aitorpena egiteko edo etxebizitzaren alokairurako dirulaguntza eskatzeko. Nire buru karratuari kosta egiten zaio ulertzea nola kode magiko horrek hainbeste tramite egiteko balio dezakeen.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!